在公公婆婆家的生活 part 4(圖片,文字 by 公公)

今日去咗兵頭花園,好好玩呀!!!



今日唔係好聽話！一)唔肯綁狗帶！二)行路要玩遮遮！三)在超市要推超市車！四)扭計時又喊又反腰！較好表現僅有三點：一)坐車去公園 係舅父揸車送去門口，我同公公Yati坐後座，我地個自挷安全帶我全程好定！二)我在老麥有BB椅我好定坐哂全用餐過程冇任何扭計！三)回程乘40號巴士，好長時間坐係Yati身度，好定好定！好長時間哦！唔係好多BB得！重有返到來，公公播baby bright dvd圖聲情景下！飲哂成樽奶！祝在韓國的所有叔叔阿姨爸爸媽媽！新年快樂！身體健康！玩得開心！拜拜！

在公公婆婆家的生活 part 3(圖片,文字 by 公公)

今天本應去鴨利洲遊樂場行吓！婆婆去五樓保齡球場應酬，我阿Mike則準備去一樓幼童遊樂場勁玩！點知去到鴨利洲已經入咗個場，重未睇清楚個場啱唔啱我杯茶就被四姨婆傳召;即去銅鑼灣鳳城,佢請飲茶！公公揸車我坐車都唔使十分鐘就到定！婆婆讚公公呢次冇行錯路，上到酒樓見太婆 同玲姨婆已覇好位穩坐釣魚台等我地來！兩位唔同輩份的阿婆要記頭等功！公公孤寒泊車泊去CRC，行成十分鐘才回來，冇幾耐四姨婆全家來到！四姨婆大派利 市！給我兩大封！我即大聲正音回應 "謝謝"，贏得全場好評！散BAND之後，公公去攞車，婆婆，Yati同我去維園追白鴿！然後在維園橋對面集合上車，打道回府我照列在車中大覺瞓。

吃完飯！玩執垃圾！睇電視！影張鯊魚頭相！係咁多先！