衫衫

我真係有好多好多衫衫, 我末出世Karen表姨就已經叫珈琪表姨係Canada帶左好多衫俾我。跟住我出左世後又有好多哥哥姐姐表姨表叔姨婆姨公送衫衫俾我。雖然Mame成日都話我有好多衫但都係成日忍唔住靜鷄鷄買衫俾我, 不過大多數都係係花園街嗰間出口店買,因佢又買又靚, $30-40就買到伴mother care or carter。其實只要你留意一下 "投影相"就知我有幾多衫, 因我每著一件衫Mame都會幫我影張相, 如果你重未見到你送嗰件衫主要係因為大太件or未啱天氣。

尿片

係我出世後好多哥哥姐姐都買左D好有用的東西给我, 其中一樣就係尿片。大家不約而同甘買左Pampers New Born俾我。

但係其實我用New Born只係用左3星期就轉用S碼, 唔到2個月我就用Pampers M碼, 這幾天開始用Huggies M碼, 雖然2個都係M碼但係Huggies大條小小。但係因為Mame成日捉摸唔到我幾時轉size, 所以 Pampers S, Huggies S and Pampers M我都有left over。

Carol 姨姨同Alex叔叔你可唔可以接收佢地架? 我驚Mame要我著返D细碼片片呀!

麥笌茶

Mame重買左麥笌茶添, 過好似話等我熱氣時才飲。唔知好唔好飲?

apple juice

Yesterday, Mame見我大個仔成100日人仔未諗住俾我try下 apple juice, 但係Mame 將佢Mixed好淡, 攪倒我都唔係好清楚 apple juice 係乜野味。Mame下次可唔可以跟返人地個比例呀! 1包粉沖30ml, 唔好沖60ml。如果係甘不如俾返我飲清水啦!

咀咀

Mame知我都幾鐘意食奶咀, 所以買多左2個大牌子NUK的咀咀俾我, 不過Li 兩個咀咀好灣攪到人地有個印。好醜怪！所以都係少用為妙。

Bathing "d"

我成日會响個冲涼盆仔度向佢射尿,令佢加速游過,同時佢會發出怪叫......勁搞笑......haha

抬頭 - 16/7/08

我而家已經好努力甘學抬頭, 你地要支持下呀!

鯊魚先生

鯊魚先生係舅父係Bangkok好大果間Siam Ocean World引入番黎,同中央送比香港果幾條鱘龍有得輝。你地唔好以為佢好凶神惡煞甘, 其實佢主要係幫我嚇走D大怪獸, 甘樣我就訓得安心D,發個夢都甜D啦!........ 講講吓,有D想訓...... z z Z Z

太婆送的老鼠仔

係我末滿月前太婆就送左隻老鼠仔倍我訓。

4個食電朋友

我有4個朋友仔成日係我張床上邊飛來飛去, 佢地會放出不同的音樂黎"Lun"我訓。"Li"幾個朋友係我未出世已經由BarBi帶佢地返屋企。佢地好就好拉, 過佢地係食電怪哩架, 十幾二十曰BarBi就要幫佢地換電。

我的100日生日

今日係我的100曰生日, 所以我决定要開始做大BB應該做的事。就係寫Blog！雖然到現在只係100日但發生係我身上的事倩也不少，都唔知應該由幾時講起。不如簡單D就由今早講起。





其實早上同平曰一樣大约係7:30就俾Mame攪醒, 因為要起身食早餐。同平日差不多早上我唔係甘餓只係食4oz就算, 跟住就訓返。大約11:15am Mame就幫我安排沖涼, Mame重係我除衫時影左張怪相。..............



沖完涼Amanda契媽就到, 佢重餵我食左5oz Milk。
係佢同Mame的談話內容中, 我知道左Mame 同BarBi見我訓返時
靜雞雞出去食麥當勞。佢地甘都唔叫醒我一齊去真無2氣！

我知Mame幾個星期前買左盒 "DIY模型" 同我玩,

係copy我隻手仔or腳仔的, 3D架！ 不過做的過情中唔係幾順利？
後來Mame又上網又打電話, 先知自己想買嗰隻模型係4D唔係3D。 Mame, BarBi都叫住你唔好"side"錢架la, 係都唔聽。好似重話要買多個玩過，好心唔好攞我哩攪飛。











Mame, BarBi重買左架新Car Seat俾我tim, 好型仔架, 红色架。
今日我就屋企try過, 我諗住聽曰叫Mame BarBi同我去街街, 開下光。



Mame係綱上見到話100日嗰日要同我用 "九菜"洗牙肉, 甘我出牙仔時就唔會痛。雖然好似好無理由, 但係做下又無妨。

今曰公公婆婆重帶左一個叫梁叔叔的人來食飯，今日佢地食西餐....牛扒加意粉。我諗如果Man叔 同John表叔佢地係到一定好開心，佢地好鐘意係球會甘食架！