MTR

上個星期日(9月28日), 我搭左我人生第一次的MTR,又名港鐵。 Mame帶住我同Yati去太婆屋企，我地由佐敦去銅鑼灣, 大大話話搭左8-9條扶手電梯。你地都知Mame對住D扶手電梯幾驚青架拉! 我feel到Mame每次都要吸一口大氣先落或者上條電梯。因為lee個原因,所以我决定, 每個星期都要Mame帶我用扶手電梯。要俾D特訓俾Mame先得。

講返去太婆屋企先, 我差d俾Mame嚇親。唔知點解我一入屋Mame就將我俾左高一级嘅五姨, 跟住就行左去門口。Mame,你去邊呀?WOO...woo... 嚇死我拉! 除鞋出聲嗎! 你都知我有D眼訓架拉! 點可以立刻識得晒屋裏面所有人wor! 攪到我係太婆,婆婆同高一级嘅四、五姨面前...woo. 好醜架嗎? 下次記住講我知先至好有所行動。

後來成班大人仲放左我落地下玩添。